يا فاطمة الزهراء دخيلج مولاتي

يا زهراء

الرفع صوتة على المرسل حتماً تهبط اعمالة
شلون البالغضب جفة اعلة بنت المصطفى شالة
___________
اسوة بالنبي معروف يتأساها كل مؤمن
ونبي الله على الزهرة گبل لا يطب يستأذن
لجن سوة العكس ذاكة بنارة لدارها يكمن
معقولة ابن صهاك ما شاهدها هالحالة
……
يرضة الله لرضى فاطم النبي بنص الجمع نادة
واذا مو دين بالشيمة طگت المرة مو عادة
لجن ابن الزنا من طب دار المرتضى اتمادة
واخذ بالباب يعصرها لحد ما شفة دلالة
…..
الگايل كتاب الله حسبنا وراد يغصبها
بيوت الناس تستأذن وتسلم ياله تطبها
مو عنوة تطب للبيت وام البيت تضربها
يالحسبك كتاب الله ما فتشت بقوالة
…..
اذا حسبك كتاب الله وتؤمن بيه من أيات
اليتيم لا تقهر يگول موش تقهرة بالدفعات
يفاجر شنهو من ملة جنين بعصرة منك مات
اذا مالك شغل بالدين صون العايش بچالة
…….
اذا ما بيك كل غيرة بعشرتك للغيارة تصير
صاحب غيرة و امروة وعلى خدر النبوة اتْغير
لجن ابن الزنا معروف اساسة ما اله تغيّر
والمالة اصل دومة على ولد الاصل عالة
……….
جبان وابد ما تجرئ تحرك باب مو تدفع
لجن عائشة الملعون خلت سر علي يطلع
يريت وما موصى الحيد اله بلا هدم ترجع
يالمالك فعل بالسيف وهو مطشرة افعالة
……
حسين حيدر الموسوي

#يا_فرج_الله

بين الباب والحايط صحت وين
تاسع ظهر غايب من الحسين
شوف اشصار بيه الضلع مكسور
وجف اعداك باقيله اثر بالعين

وهاي النار الحرگت جفي
ومامش وادم گام تطفي
هظموني يا سري المخفي …عجيب

دم ضلعي يصرخ يا مهدي
وتدعيلك سطرة الي بخدي
اظهر يا اخر ولدي …الحبيب

لكن كسر الضلع ليس ينجبر
الا بصمام عزيزٍ مقتدر
________
اظهر يا برودة گلب ابو تراب
الشافاني طحت فوكي وگع باب
يريد يگوم يفزع لجن مأمور
مو بسمار گلبة بعهد منصاب

آيا صبرة الما بي سهلة
الزلمة الغيرة العندة تكتلة
بشدة اهلة وما يفزع لهلة ….علي

ينظرلي و يّصيح بسمك
يا مهدي ضربوها امك
لدم فاطم لا يبرد دمك ..علي

لا يبردِ قلب علي المنكسر
الا بصمام عزيز مقتدر
______
شدة والها بس السيف حلال
المحسن مو دمة من الضلع سال
طاح اعلة الجمر تنظرلة العيون
بس غير اليطيح بساع ينشال

واكع مذبوح من العصرة
بس لا ضلعة هم بي كسرة
برفسة عمر خلص عمرة …الجنين

بأول واخر انفاسة
لمن جمر العاذل جاسة
بسمك اسمع فاض احساسة…الحنين

لا تمسك العين ودمعي ينهمر
الا بصمام عزيز مقتدر
_____________
هي الهظمة صعبة لاجن تهون
كلشي ولا علي خلهم يضربون
اتحمل كسر واسياط والنار
اشما تنجرح باجر طيبة الامتون

فدوة الحيدر ابني وكسري
وطلاب انت بحقي ادري
باجر تظهر تاخذ ثأري …الجبير

بس لا يدنون النوماسي
راعي البيت ورفعة راسي
يردونه ايبايع عاذلهم …امير


لا يُسترد عز الولي المنجبر
الا بصمام عزيز مقتدر
________
گوم الضيم جدك جفة مگيود
الجبان اعلة السبع بالبيت هادود
يجر بحيدرة الما جار السيف
حال المرتضى مو هيج مشهود

گمت الحك بعلي وشافوني
ردولي بسوط ايضربوني
گلت اكشف الا عافوني …حرام
لو اكشف راسي لو يرجع
ورادت روحي بالهم تطلع
الجاني يسمع واسترجع …بكلام

ارجعت بعلي من اُناسً لا تقر
الا بصمام عزيز مقتدر
__________
عكب كل هالسنين وجرحي ما طاب
يا طلاب للما عدها طلاب
عجل واظهر وعاقبهم اعداي
واصلب عمر ذاك الدافع الباب

اصلبهم لا ترحم واحد
عذب كلمن للحق جاحد
عالباطل ما رايد شاهد …تجيب

ولا تنسى المترضي اعليهم
الباغضني ورايد يرضيهم
صلبة وخلي ايدة بأيديهم …المريب

لا ينقطع وزر الترضي من يزر
الا بصمام عزيز مقتدر
……
اللهم عجل لوليك الفرج
حسين حيدر الموسوي

طاح …محسن بجلمة وعصرة
طاح…بين ال(وأن)والكسرة
من وازة بسمار الصدر …بأذن الطفل صوت الكسر
ضاگت بطن ام الحسن …وانولد بس بلا عمر

طاح العمر…فوگ الجمر…گلبة احترگ
ضاگ الهوى …ونسمة هوى …لا ما شهگ
من الضرب …عالطاهرة …هوة اختنگ

ما لحگ يعيش الطفل برفسة جنب امة هوى
لا منجرح لمن نزل ميت اشيرهمله الدوة
محسن طفة بس الجمر ظل مشتعل بيه انجوة
______________________
صوت…من الزجية بحسرة
صوت…نادتة بحرگة وعبرة
وين الشاگف بالضرب …ارد احمل ابني من الترب
اشما نزلت ايدي اله…بجعب الرمح صرت انضرب

فوگ الضلع…ضربت رمح …فوگ الكسر
طحت بعسر…وينه علي …باب اليسر
موصى لجن …وانه بمحن…باول عمر

ما شوف دربي من الضرب من كل كتر سوط ورمح
بجفوفهم عيني انطفت فوگ الوجه بين جرح
حقدة جبير اعلة الوصي ذاگة الذي بضربة يلح
______________________
باب…بين العدو وما بيني
باب…من خلفة سطرو عيني
من الدفع بابي انخلع…البسمارة حط بيه وجع
لمن هوى اني طحت ….من طحت فوگ ابني وگع

فوگ الولد …طحت وعليّ…بابي انهطر
واشجم ضلع…لمن هوى …بيه انكسر
واشفزعت …بس ماكو ابد…واحد حضر

الغوث اصيح وماكو احد من هالخلك شال الخشب
والباب محروگ وحرگ ام وطفل دلالي شب
وصرت اختنگ جوة الخشب حتى الهوى عني انحجب
___________________________
ليش…محد تشيلة الغيرة
ليش…بنت الرسول بحيرة
لا جار لا صاحب طلع …..ولا شالته الغيرة وفزع
وا حمزة نادت فاطمة….جالباب دلالي انشلع

گلبي انشلع…من السبي …ومن الضرب
وين الاهل…الجانت مثل …في كل حرب
عيني انعمت …بالدار انه…وتاه الدرب

وسفة احشم وانه بت وادم فلا تنطر فزع
يحيود هاشم فاطمة عالباب وبولية جمع
ما جني اصيح وبس علي مجتف يهل منه الدمع
_______________________
حيف…حيدر مجتف صبرة
حيف…وتنطگ اگبالة الزهرة
يوگف لجن يگعد وسف…من الحرگة ابو المحسن رجف
رف شاربة لطگة مرة ….ولون الوجه منة اختلف

اصفر صبح …كلبة انجرح …من الجرة
هي الزلم …تهدها وسف …هظمة مرة
هو الگلب …من ينكسر …شيجبرة

بعينه يعاين عالزلم تفتر بدارة بلا ردع
هذا اليطگ ام الحسن هذا اليدك فوگ الدرع
طگينا حرمة حيدرة يصير وعلي بهم منفجع
______________________
حسين حيدر الموسوي

لحن القصيدة

مولاي أمير المؤمنين مع مولاي صاحب الزمان عج

زلمة وي زلمة
يحجي اليهظمة …ويعرف اشيحجي
علي وي المهدي
بدمعتة ونوحة…اعلة ام حسن يبجي
____________
كسرة الزلمة جبيرة تريد محمل
وبين ابو وابنه حجي الصعبات يسهل
گلبة من اجروح بابة علي امحمل
وبعدة بأول جلمة سيف المهدي انسل

بالـ(وأن)بعدة
بأول الشدة….وغيرتة اشتدت
بعدة ما گايل
وادم بداري …اعلة ام حسن هدت
____________
ايگلة يبني التكتل الزلمة حميته
يشوف وادم غصب گامت تطب بيته
گاعد الوكت الحرب معروف صيتة
ايريد يفزع لاجن تلزمة وصيتة

اندفع بابي
وابتدى امصابي….وابتدى نوحي
ضربو الزهرة
وبالوجه سطرة …زادت اجروحي
___________
دفعو الباب و ورا امك ضحية
اسمعت طگ ضلع واحس ماتت ادية
ظلو ايعصرونها ومن الزجية
طاح محسن ميت اباب المنيه

واسمع اتنادي
بوية يالهادي…الحگ احميني
تگلي يا حيدر
والله ما اگدر ….السوط يجويني
__________
عگب ما خلصو تعذيب ام ابيها
ابحمائل سيفي اجو شدوني بيها
الزهرة شافتني بوضع فزز بچيها
گامت ولحگتني وايبچي حجيها

خلو ابن عمي
البيعة الظالم …لا تجبرونه
كسرة الزلمة
تبين بطولة….من تجرونه
_____________
هانت العيشة و الي مطگوگة حرمة
وعندي ابن مذبوح ما ماخوذ دمة
خدي يومية اعلى الزهرة الطمة
ويا حسافة علي تالي تذبحة هظمة

هدلت امتوني
بدمعتي اعيوني …عايش ايامي
المفترض سيفي
بدمهم ملطخ …مو گلب دامي
________________
عشت بعد الحادثة مكسور خاطر
وكل صباح وكل مسة لجيتك اناطر
باجر وصار الف واربعميت باجر
اظهر و دلي السيوف اعلة المناحر

اظهر اطفيها
ناري واچويها …الدنيا من نارك
غايب وننطر
تظهر وتطلب …بثاري وثارك
…..
حسين حيدر الموسوي

يم جرح الفلا يطيب
بحزنج كون الي نصيب
رزقيني ابجي عالغريب…النايم عالترب
_____________
يأول ناعي لحسينج
يفزز كربلة اونينج
العمر كله الدمع يجري
يمتى اتأثر ابعينج

خليني لمن اسمع بأسم حسين
مثلج تظل تجري الدمع دم العين
ومن اسمع ابنج حاير بين الناس
انعى الله يعينك مالك امعين

آ يا هظمت الوحيد
حامي للخيم يريد
هاي بگلبي ما تهيد …وحدة بالغرب
________
تبدي الحيرة بالاكبر
وتخلص بخيمة تتوجر
حسين اعلة الترب طايح
ويشوف الخيل من تفتر

عيشيني من افراك اول ولدة
لحدما نظر وادم الداست حدة
شدة اليگوم ويوگع ابين الناس
يا فاطمة خليني دوم بشدة

طفكم ما يحب نعيم
بنار اخيام اريد اهيم
بعلة كربلة سقيم …وبالهم انكرب
_____________
يم الدايسة حافر
يالسالفتج العاشر
خلي النوح سالفتي
واظل بكسرة الخاطر

يم المصاب الما يهون ولا قل
جيت بدمع عطشان الج اتوسل
رايد حرارة حزن واحد محتار
حيرة التركض بين مذبوح وتل

خلي بگلبي انكسار
چن عثرة مرة بنهار
تحشم ابخيامي نار….لاجن تنضرب
_________________
گلبي بحصنج مودعة
من ابرودت الدمعة
اريد احترك عالعباس
لمن زينب اتودعة

اعليج المشت مجتوفة اجتفي اجفوفي
بحبلج امان من العتق كل خوفي
حريتي ما ترسم مرة تطب ديواني
بس بعبوديتي السبي يعم شوفي

اسبيني بأهم جروح
اخت من يم اخو تروح
وما تلحگ عليه تنوح …وطويل الدرب
_____________
الملل ما يگرب المحروگ
وثوبة بكل عزة مشگوگ
شلون ينشفن ادموعة
العندة امخدرة اعلة النوگ

زحمة ابرد وبنتج بعدهي بغربة
وما راحت من العين ذيج الضربة
والسمع بشام اضعف ايمانه الموت
والمحترك يتمنى يوگف گلبة

اليزرع نص دليلة شام
يحصد غربة والسلام
اسگي اجروحي بالغرام….يا نور الگلب
__________
نخيت وغيرج اشعندي
مو من طبعج تردي
اريدنج تعلميني
شلون اتنطر المهدي

خليني انتظرة بدمع ام مذبوح
يروح اشحلاتة ويرجعلها بلا روح
عليج الرضيع الما حضة بشربة ماي
كون لغياب المهدي اطلعها الروح

شغلي گلبي بنتظار
يعيش الفاگد اعلة النار
عبدج بيدج القرار…يمسهلة الصعب
……
اللهم عجل لوليك الفرج
حسين حيدر الموسوي

امصابج يكلف …ومامش ناس تهون الصار
فوگ الفرگة …غربة التشعل گلبي بنار
____________
دفنتج وارجعت مهظوم للبيت
مثل الماكو شي للدار طبيت
لا صايح عليج ولا معزين
ولا جن فاطمة باللحد خليت

طبع الفاگد ...تواسيّ ناس بفكد المات
وانه بفگدج …عشت الغربة بنص شمات
____________
بدت تلتم جروحي وصارن اهواي
ونار الفرگة ما تتطفى بالماي
اذا احمل مصابج فگدج ايعيل
جان يهون كلشي وانتي وياي

جفتو ايدي ومامهتم جي انتي وياي
وهسه الدمعة من تطيح تهد كل اعضاي
_______________
بحياتج من اسلم ما يردون
بس هسه من اسلم بس يضحكون
بعد ما اطلع ومعتزل بالدار
لأن كل طلعة ارجع تبجي العيون

ما ريد اطلع لا شوف البابج دافع
وانظر جفة لحد هسة بخدج طابع
________________
شلون يعيش عمرة الزلمة صابر
لو تدرين حالي شلون صاير
نهاري احجي بدمعتي لبير الاحزان
وليلي مخلص ابين المگابر

دارت دنياي وللبير احجي اهمومي
وليلي بگبرج رجواي و انده گومي
_______________
بگلبي اجروح مامش امل وتطيب
الگعدة اعلة الغيور بشدة تعذيب
شاب الراس حگها اشتحمل الروح
ضربوج وسكتّ شلون ما شيب

تعز اعلية …تبجين بنص غربة
گبال عيوني تصيحين من الضربة
_________________
لهاي جروحي بس السيف يشفي
ولو لو دنيا اذبح ما يكفي
اظل اتصبر اليوم الفتح ذاك
يطلع ابني والناري يطفي

اللهم اظهر حامل فقاري
برودة گلبي من يظهر ياخذ ثاري
______________
حسين حيدر الموسوي

اعلة امصابي لحظة
لا تبرد اگلوب الخدم …اعلة امصابي لحظة
واعليهم ارضة
اليبجون ظلعي الي انهشم…اعليهم ارضة

يا خادمي بجرحي انشغل
لكسري دموعك خل تهل
هي العزيزة تنضرب ؟
جاوب لطم من تنسئل

خلف باب النبي
عصرني الاجنبي …انه شلون انسبي…جبيرة
مرة ابين الغرب
ولوني بالضرب …الخواطر والضلع…كسيرة

آه …لكسرة ظلوعي
آه …لطيحت دموعي
______________
اعيوني حمرة
لعنو السطر خدي وتركها …اعيوني حمرة
مكروه صبرة
اليسمع امة تنضرب …مكروه صبرة

لا تصبر وبية احترگ
لوجهي وصل ذاك الحرگ
طاح ابني من رفسة عمر
ومن سوطهة امتوني زرگ

شفت محسن وگع …طحت فوگة بوجع …عليّ بابي وگع …اشيوخرة
ولا حماي الي …اليگول اتدللي …وعلي گاعد علي…اشيصبرة

آه…حامي دخيلة
آه…مرتة ذليلة
_____________
اسلب وقارك
من تسمع بكلمة وأن…اسلب وقارك
لا تطفى نارك
اجفوفي لسة بيها اثر …لا تطفي نارك

لا ظل گدر لا ظل شأن
الفاطمة گالو وأن
اخلع شموخك وانكسر
وابجيني ام فگدت ابن

انكسر كسرة غصن …على جلمة وأن…هي اصل الحزن …عليه
گدر ما ظل الي …وانه حرمة علي …هظيمة تنولي …الزچية

آه…اُضيعَ قدري
آه…والدمع يجري
_______________
تذبحك الغيرة
من تسمع بوجهي اثر …تذبحك الغيرة
بس الجبيرة
جتفو علي واخذو غصب …هاي الجبيرة

گدامة مرتة تنضرب
ويتجتف ويمشي غصب
الله يعينك يا علي
الحالتة شاب الگلب

بعبرتك انكتل …علي انگاد بحبل ….تعز اعلة الرجل…هظيمة
الموت اضعف امر …بعلي وادم تجر …گلب الها جمر …جريمة

آه…تعز عالغيارى
آه…هاي الجسارة
___________
لا تهدة روحك
ولا تتعب بلطم الصدر …لا تهدة روحك
اول جروحك
بضلوعي ما يشفى الكسر…اول جروحك

كلما تنفست الجم
ابحالتي عندك علم
شيلت جفوفي بالدعاء
هاي الي صارت حلم

بقنوتي انفجع …فقط جف ينرفع …الثاني اعلة الضلع …مكانه
الگلب خل يحملة…عذابي ونوح اله…دمعتك اعالضلع…ديانه

آه…يوجعني كسري
آه…ياكل بصبري
______
هم المصابي
والثاري ادعي بالفرج…هم المصابي
يبقى عذابي
لحد ما اسمع ابني خرج …يبقى عذابي

لحد ما ينادي بالسمة
جيت اخذ بحگ فاطمة
يبرد دليلي بطلعتة
تفرحني جرة صارمة

بظهورة ينجبر …الية اشجم كسر …بصلب كلمن فطر …دليلي
ولا يشفى الگلب …بذبح لو بالصلب…اشينسيني الغصب…خليلي

آه…هي الظلامة
آه…غصب الامامة
_____
سيد حسين الفاطمي

كل غالي ايطيح بدلالي …يخلف كسرة
وياهو الاصعب طاح والم …گلب الزهرة
دموع ودم ومحسن واگع …فوگ الغبرة
………..
عن كلشي طاح …بگلبي جراح
بيها احجي رايد
من اول كلام …لحد الختام
بالزهرة اناشد
بشدة اليطيح …يبقى يصيح
وين الاماجد
بشدة انتي ليش …وبالعتبة جيش
والوالي گاعد

گالت رهين بوصية حيدر
وكلشي عزيز مني تگنطر

گالو فاطم واسمع ظالم …عم الصايح
وأن نادة واسمي الغالي…اول طايح
طاح بكلمة وخلف همة …بگلبي العبرة
______________
اصل الاصول …من الدم بتول
طهرً مطهر
يعني الله راد …حتى رذاذ
منج ميظهر
دمج عزيز …بحفظ العزيز
وكفاله حيدر
شلون استباح …وبعصرة طاح
وضلعج تكسر

سال الدمع وصفگت اديها
نزف الدمة شمسوي بيها

گالت دمي الظل عالحايط …تلجم آثارة
اشرف دم جا بيمن ينسد …لو طلبو ثارة ؟
لو تذبح دنيا وما بيها… ما تنسد گطرة
_______________
التحمل جنين …برئفة وحنين
تكضي حملها
بفرحة تصير…بشهرة الاخير
اتاني طفلها
وانتي ضناج …ميت اجاج
العصرة اشثگلها
بالرفسة طاح ….والجاني صاح
اذبحنا نسلها

كلش عزيز گالت واتاني
جا ابني ليش ميت اجاني

طاح وطاحت روحي بصفة …وما جف دمعي
بلا دم نازل بس اتخضب …من دم ضلعي
طيحت محسن اخذت حيلي …موش العصرة
________________
بابج عظيم ….بحقة حديث
گايل محمد
باب البتول…بابي يگول
وبي كلها تشهد
رغم الدليل ….طاح وثجيل
فوگج توسد
واگع عليج …وميتات اديج
ويشيلة محد

فوگي تگول طايح واجوني
وسحگو عليه وهم اعصروني

طيحت باب البيت اجبيرة…تضّيگ انفاسي
بس كل الگلته مو منه …فاض احساسي
راح احجي بكسرة دلالي …اليكلف كسرة
_____________
كلشي الي طاح …وكل الجراح
والله احتملها
بابي ثكيل ..دموع الحبيب
ازود ثگلها
فدوة الضلوع …لذيج الدموع
بهظمة يهلها
الحرمة تموت …لمن تشوف
كسرة رجلها

شفتة عمة من البواجي
ساكت صفة راعي المحاجي

دمعة حيدر لمن طاحت …طاحت روحي
حيدر يبجي وشيقنعها… تطيب اجروحي
وعگب الطاحن يوگع كلشي …يحب الزهرة
__________
هسه ابتدت …واتجاسرت
وظلمتنا وادم
البيت اليطيح …بابة دليل
ما يبقى سالم
سم لو ذبح …نوع الجرح
تموت الهواشم
وما تكتفي …الناس بقتل
وتسبي الفواطم

هسة ابتدت علينا الظلامة
ومحد يظل بينا بسلامة

بس من ولدي يبقى المهدي…وياخذ ثاري
لا ما تطفي ناري بجيته …يخمد ناري
اللهم المهتم بأمري …تسهل امرة
…….
سيد حسين الفاطمي

محسن ….يسولف كام بكبرة
محسن…لحيدر يحجي بحسرة
محسن…يتمنى يرد عمرة
__________
هلا بجيتك يبعد ابنك الطفة نورة
فضل منك على گبري تجي تزورة
يجبار الكسر هالروح مكسورة
رد روحي لديارك خلها مسروة

امنيتي ….تطول العشرة وياكم
امنيتي…تنخوني وانخاكم
امنيتي…يگضي وياكم عمري
___________
جرة دمعة علي وگلاله يا محسن
انه بموتك اعيش بحال متطمن
لو عايش بعد اكبر الوضع يحزن
تموت وما يصح جسمك بشر يدفن

بزغرك …موتك هيج احسلك
بزغرك…الحافر ما يوصلك
بزغرك…وما مدفوع بصدري
____________
اذا رديت يوليدي وكبر سنك
ما تحمل يموت من العطش ابنك
شايف من بناتك يبجن يجنك
عطشانات وتجيب الماي يردنك

غربة …من تطيح بحيرة
غربة…وجهك وين تديرة
غربة …تزيد وتعبر صبري
____________
ارتاح بلحدك وخلي الجرح لهلة
لو تسمع حجي ما تكدر تحملة
شلون الشاف وادم تسلب بأهلة
يبني الميت وثوبة انسلب ذلة

حسيني…وادم تسلب هدمة
حسيني…تطشرة ومنهو يلمة
حسيني…دمعي لجرحة يجري
______________
طحت طيحة من امك فوك هالغبرة
حسين من المهر يوگع على صدرة
وسهام الصدر تطلعلة من ظهرة
متت انته لجن هو حرج امرة

يوكع….والوادم بخيامة
يوكع….تتسلب جدامة
يوكع….يوگع خدرة يدري
____________
اذا تحمل مصاب حسين المسلب
يبوية ما اظن تحمل (اطلعت زينب)
الركض بين الزلم لم الخدر يصعب
خواتك تشرد وخافية تتسلب

وزينب…بالبر تركض وسفة
زينب…اشحمل هاي الكلفة
زينب…جرح يطول نزفة
___
سيد حسين الفاطمي

اجيت وبالهلا شديتني بمأتم
وصرت كل عمري عايش وسط المخيم
_____________
جنت ضايع وجفك گادني لخيرك
تغير گلبي وانه دخيل تغيرك
وحرام اعلية صار اتوجه لغيرك
واليتوجه لوجه الله ما يندم
_________
الك وكلت امري وما الي كل راي
تخليني مثل متريد يا مولاي
عليك المات ضامي ويمة يجري الماي
من الدنيا اريد بخدمتك اسلم
__________
لا ياخذني وكتي بجفك مچلب
يمك راحتي وكل دنيتي اتعب
و انزل دمعتي لو ردت بيك اندب
الدمع من يسمع اسمك بالجفن يلتم
__________
اليخدمك سيدي وما يهم للوادم
تكرمة اعلة الخلك يل بالهدم كارم
منو قبلك امير مدلل الخادم
شكراً يلي دومك بالخدم تهتم
_________
شكراً والشكر يم خيركم قاصر
يالمخليني دوم بمجلسك حاضر
غيري بالذنب كدامك يجاهر
واجاهر بالدمع انه لهذاك الدم
________
ثباتي بدمعتي وبلا دمع ازلك
اخاف اوكع وجفك ما عليّ يلحك
اعليك ابنيتك الگامت جمر تسحك
خلي الجفن بالدمعات يتوسم
_________
دخيلك لا تهدني وتجر عني الايد
اشما تعبر اعوام ويجي عام اجديد
بيمن اگضي عمري من اصير بعيد
وانه بغير الطم والدمعة ما افهم
_________
سيد حسين الفاطمي